Staten har tidlegare gjeve tilskot på til saman 74 millionar kroner til investeringar i sikringstiltak, undersøkingar og overvaking av desse skredutsette fjellpartia i Storfjorden. Satsinga har finansiert eit av dei mest avanserte overvakingssystema i verda.
Regjeringa fylgjer no opp ved å gi eit tilskot på 10 millionar kroner i 2009 for å sikre ei døgnkontinuerleg overvaking av dei skredutsette fjellpartia.
-Det er viktig å sjå dette i samanheng med dei nye oppgåvene til NVE innan skredførebygging, seier olje- og energiminister Terje Riis-Johansen.

Ved å leggje det statlege ansvaret for førebygging av skred til NVE vert statleg bistand til kommunane styrka og samordna. Dette vil forenkle og klargjere oppgåver og ansvar i staten.