Forslaget går ut på å fjerne maksimalgrensa for overtid pr veke og pr fire vekers periode. Vidare blir ramma for årleg overtid aukafrå 200 til 400 timar, eller i praksis godt over 500 timar, etter avtale med den enkelte arbeidstakar. Det blir tillate at ei grense på 48 arbeidstimar pr veke skal kunne gjennomsnittsbereknast over ein periode på fire månader og seks månader på visse vilkår medhøve til å utvide denne perioden til maksimum 1 år. Den frie avtaleretten avviklar samtidig Arbeidstilsynet sine oppgåver med åvurdere dispensasjon for overtidsbruk, og bedriftene kan gjere avtale med sine tillitsvalde at arbeidsdagen kan vere opptil 16 timar.

Arbeidstilsynet har rekna ut at det nye forslaget inneber at enkelte arbeidstakarar vil kunne arbeide 16 timars arbeidsdagar i opptil 16 veker bare avbrote av 6 sundagar fri.

- Det er opplagt at ei slik bruk av overtid påfører dei tilsette auka helserisiko. Dette er ei dramatisk omlegging av norsk arbeidsliv, seier Hansen.

Hansen minner om at Regjeringa og partane i arbeidslivet har underteikna avtala om eit inkluderande arbeidsliv. Der er målsettinga at bedriftene skal legge arbeidstilhøva til rette slikat fleire uføretrygda og yrkeshemma kan kome tilbake tilarbeidslivet. Eit anna mål er å få ned sjukefråværet. - Då rimer det dårleg at stortingsfleirtalet vedtek ei lovendring som i følgje Arbeidstilsynet og arbeidstakarane sine organisasjonar, vil auke presset ved å få folk til å arbeide meir overtid, seier Hansen.

- Min påstand er at stortingsfleirtalet ikkje tar tak i problemaknytt til utstøyting i arbeidslivet. Fleirtalet ser ikkje at dette har blitt så omfattande at det er blitt eit samfunnsproblem. Svaret til regjeringa og stortingsfleirtalet er ikkje å motarbeide brutaliseringa, men ei kraftig svekking av Arbeidsmiljølova sine arbeidstidsføresegner. Gjennom dagens vedtak går stortingsfleirtalet fleire steg tilbake i tid og samfunnet vil bli den store taparen. Min påstand vil vere at fleire vil bli utstøytte av arbeidslivet og fleire vil bli uføretrygda. Dette har ingenting med modernisering å gjere. Dette er historielaust, seier Sigvald Oppebøen Hansen.