I Stortinget sitt vedtak er det ei klar forventing om at Innovasjon Noreg utøvar skjønn og nyttar seg av det handlingsrommet dei har retningslinene sine, slik at det blir utvist fleksibilitet i vilkåra som er stilt. Det gjeld både utlånsføresetnadene, forhold knytte til avdragsutsetting, moglegheit for renteutsetting og krav til eigenkapital.

Det er viktig at regjeringa har ein kontinuerleg dialog med næringa, og det blir understreka at situasjonen må vurderast fortløpande og at regjeringa også vurderer om det trengs ytterligare tiltak for å avhjelpa situasjonen i fiskerinæringa. Stortinget har bede regjeringa om å kome attende til Stortinget med saka i samband med revidert nasjonalbudsjett til våren.

Av stortingsrepresentantane Ingrid Heggø og Lillian Hansen, Ap – næringskomiteen