Dette er blant anna gjort i den sokalla Rasool-saka, der dei involverte fekk inndrege 8,1 millionar kroner, ein leilegheit i Oslo og tre leilegheiter i Brasil. Pengane er sjølve pulsåra i kriminaliteten, og me veit at dette svir. Reint preventivt råkar det bakmennene, dei som trekker i trådane og som me sjeldan får tak i.

Den generelle foreldingsfristen for inndragingskrav er i dag på fem år. For å gi politi og tollmyndigheiter økt mulegheit for bruk av inndraging, og unngå at dei med lange dommar kan sjå fram til å hente utbyttet når dei slepp fri, ønskjer me å utvide denne foreldingsfristen kraftig. Dette er ein del av stortingsmeldinga om organisert kriminalitet som justiskomiteen nå har til behandling.

Det er ein stor utfordring at organisert kriminalitet i dag ofte løner seg, sjølv om den som utøvar kriminaliteten blir domfelt. Ofte venter gevinsten på utsida. Det å ta frå kriminelle sjølve profitten, er viktig både som ein reaksjon på sjølve kriminaliteten, og for at befolkninga skal ha tillit til strafferettssystemet.

For at politiet i større grad skal fokusere på bruk av inndraging, bør dette kome inn som eit kriterium i politiets måling av resultat, på linje med oppklaringsprosent og saksbehandlingstid.

Av stortingsrepresentantane Sigvald Oppebøen Hansen og Jan Bøhler, justiskomiteen